Respublika miqyosida Sog‘liqni saqlash vazirligi tashabbusi bilan 26-apreldan boshlab bir oy davomida «Bor mehrimiz shu Vatan, shu xalq uchun!» shiori ostida Sog‘lomlashtirish oyligi tadbirlari o‘tkazilmoqda. Mazkur aksiya doirasida aholining salomatligini mustahkamlash, kasalliklarni erta aniqlash va profilaktika ishlarini kuchaytirish maqsadida keng qamrovli tibbiy ko‘riklar tashkil etilmoqda. Bugungi kunda bu kabi sog‘lomlashtirish tadbirlari Farg‘ona tumanida ham ko‘tarinki ruhda va yuqori tashkiliy saviyada olib borilmoqda. Aholining turli yosh toifalari vakillari mutaxassis shifokorlar tomonidan chuqurlashtirilgan tibbiy ko‘riklardan o‘tkazilmoqda hamda kerakli tavsiyalar va profilaktik xizmatlar ko‘rsatilmoqda.