Farg‘ona tumani Maktabgacha va maktab ta‘limi bo‘limi tasarrufidagi 44-umumiy o‘rta ta‘lim maktabida yosh avlodni milliy qadriyatlar ruhida tarbiyalash, ularni ajdodlarimizning boy madaniy merosi bilan tanishtirish maqsadida "Milliy burchak" tashkil etildi. Mazkur "Milliy burchak"ning tashkil etilishi o‘quvchilarning milliy o‘zlikni anglashiga, tarixiy qadriyatlarimizni o‘rganishiga va ularga bo‘lgan hurmat hissini shakllantirishga xizmat qiladi. Ushbu burchakda xalqimizning boy madaniy merosi, an‘ana va urf-odatlarini aks ettiruvchi eksponatlar, milliy liboslar, hunarmandchilik namunalarini ko‘rish mumkin. Shuningdek, "Milliy burchak" doirasida turli ma‘naviy-ma‘rifiy tadbirlar, ijodiy uchrashuvlar, adabiy kechalar ham o‘tkazilishi rejalashtirilgan. Bu tadbirlar orqali o‘quvchilar ajdodlarimizning bebaho merosini yanada chuqurroq o‘rganish va qadrlash imkoniyatiga ega bo‘ladilar.