O'zbekiston Respublikasi Vazirlar Mahkamasining 2025 yil 19 iyundagi “Tog'li va cho'l hududlarda turizm xizmatlarini ko'rsatuvchi tadbirkorlik sub'ektlarini qo'llab-quvvatlash chora-tadbirlari to'g'risida”gi 383-sonli qarori asosida Respublikamizning tog'li va cho'l hududlarda ziplayn xizmatlari va kanatli park (taypark) ekstremal turizm majmuasi tashkil qilinishi rejalashtirilgan bo'lib, ushbu ro'yhata So'x tumani ham kiritilgan. 2025 yil 1 iyuldan boshlab, tadbirkorlar tog' yoki cho'l hududlarida ekstremal turizm ob'ektlarini tashkil etish uchun davlatdan 100 mln so'mgacha subsidiya olishlari mumkin! Vazirlar Mahkamasining 2025 yil 19 iyundagi qaroriga asosan: Kamida 200 metrli ziplayn qursangiz – 100 mln so'mgacha 150 m² va undan katta maydonli taypark uchun – 80 mln so'mgacha Subsidiyalar faqat 38 ta tuman va shaharlardagi tog'li va cho'l hududlarda amalga oshiriladi. Eslatma: Subsidiya ob'ekt ishga tushgach beriladi! Imkoniyatdan foydalaning – turizmni rivojlantiring, daromadingizni oshiring! So'x tumani hokimligi Axborot xizmati