Hududlarda Marg‘ilon shahridagi Erkin Vohidov nomidagi ijod maktabida “Jadidlar izidan” respublika tanlovining viloyat bosqichiga start berildi. Ochilish marosimida viloyat hokimining o‘rinbosari Sherzod Polvonov ishtirok etib, umumiy o‘rta ta‘lim maktablarining o‘quvchilari o‘rtasida o‘tkazilayotgan ushbu tanlov yoshlarni buyuk jadid alloma, adib va mutafakkirlarimizning boy ma‘naviy merosini keng targ‘ib qilish orqali o‘quvchilarni kitobxonlikka jalb etishda muhim ahamiyat kasb etishini qayd etib, ishtirokchilarga omad tiladi. “Jadidlar izidan” respublika tanlovida davlat umumiy o‘rta ta‘lim maktablarida ta‘lim olayotgan 6-10-sinf o‘quvchilari ishtirok etmoqda. Tanlov maqsadi o‘quvchilarning bo‘sh vaqtlarini mazmunli tashkil etish, kitob mutolaasi va kitobxonlikni keng targ‘ib qilish, qobiliyatlarini ro‘yobga chiqarish, buyuk jadid alloma, adib va mutafakkirlarning boy ma‘naviy merosini keng targ‘ib qilish orqali o‘quvchilarni kitobxonlikka jalb etish, ma‘naviy dunyosini boyitish, ularda mustaqil va tanqidiy fikrlash hamda vatanparvarlik ko‘nikmasini shakllantirishdan iborat.