Dang‘ara tumnai hokimi hamda tuman Xalq qabulxonasi mudiri B. Mamadjanovlar ishtirokida og‘ir mahalla sifatida tanlab olingan Targ‘ova MFYda sayyor qabul o‘tkazildi. Qabul davomida fuqarolarning elektr ta’minoti, ichki yo‘llarni asfaltlash va boshqa masalalarga oid murojaatlar ko‘rib chiqildi. Sayyor qabul ishtirokchilariga «Kambag‘allikdan farovonlik sari» dasturini amalga oshirish bo‘yicha Targ‘ova MFYda amalga oshiriladigan ishlar to‘g‘risida ma’lumot berib o‘tildi. Barcha murojaatlar tegishli tartibda ro‘yxatga olinib, murojaatlarni hal etish uchun tegishli mutasaddilarga biriktirilib, nazoratga olindi.