Bugun Buvayda tumani hokimi Behzodjon Ibragimov Yangiqadam MMTP hududidagi fermer xo‘jaliklarida bo‘lib, bahorgi ekin mavsumiga tayyorgarlik jarayonlari bilan tanishdi. Tashrif davomida dalalardagi o‘g‘it zahirasi, chigit ekishga tayyorgarlik holati hamda agrotexnik tadbirlarning bajarilishi nazorat qilindi. Fermerlar bilan muloqot qilgan hokim, ularning taklif va muammolarini tinglab, masalalarni joyida hal etish bo‘yicha mutasaddilarga tegishli topshiriqlar berdi. Shuningdek, ekin maydonlarini sifatli tayyorlash, o‘z vaqtida chigit ekishni tashkil etish va agrotexnik tadbirlarni belgilangan muddatlarda amalga oshirish bo‘yicha aniq vazifalar belgilab olindi.