Farg‘ona tumani, "Gulpiyon" mahalla fuqarolar yig‘ini hududida umumiy qiymati 10 million AQSh dollari bo‘lgan yangi sanoat loyihasi – don mahsulotlarini qayta ishlash va un ishlab chiqarish zavodi barpo etilmoqda. Mazkur loyiha “Bahodir Log‘on Tekstil” MChJ QK tomonidan amalga oshirilmoqda. Tuman hokimi o‘rinbosari – Investisiyalar, sanoat va savdo sho‘basi boshlig‘i Akbarjon Axrorov tomonidan o‘tkazilgan o‘rganish davomida, un ishlab chiqarish uchun mo‘ljallangan uskunalarning bir qismi allaqachon hududga etkazib kelingani aniqlandi. Ayni paytda loyiha doirasida qurilish ishlari jadal sur‘atlarda davom etmoqda. Loyiha to‘liq ishga tushirilgach, mahalliy aholi uchun yangi ish o‘rinlari yaratilishi, shuningdek, tumanda sanoat salohiyati va eksport ko‘rsatkichlari oshishiga xizmat qilishi kutilmoqda.