O‘zbekiston Respublikasi Prezidentining 2025-yil 17-yanvardagi PQ-12-sonli qarori hamda 8-mart Xalqaro xotin-qizlar kuniga bag‘ishlangan tantanali marosimdagi nutqida belgilangan vazifalarga muvofiq, 2025-yil davomida barcha mahallalardagi 4 million xotin-qizni ommaviy sport tadbirlariga jalb qilish belgilangan. Shu maqsadda, Farg‘ona tumanida har shanba kuni “Sog‘lom oila uchun birlashaylik” shiori ostida sog‘lom turmush tarzini targ‘ib qilishga qaratilgan sport tadbirlari muntazam tashkil etilmoqda. Tadbirlar xotin-qizlarning barcha qatlamlarini jismoniy faollikka chorlab, ularning sog‘lom hayot tarziga bo‘lgan qiziqishini kuchaytirmoqda. Bu kabi tashabbuslar sog‘lom avlodni tarbiyalash, oilaviy totuvlikni mustahkamlash va jamiyatda ijobiy muhitni shakllantirishga xizmat qilmoqda.