Serbiyaning Nish shahrida boks bo‘yicha ayollar o‘rtasidagi jahon chempionati o‘z yakuniga etdi. Unda O‘zbekiston terma jamoasi muvaffaqiyatli ishtirok etib, o‘z tarixida ilk bor 1 ta kumush va 3 ta bronza medallariga sazovor bo‘ldi. 66 kg vazn toifasining final jangida farg‘onalik Navbahor Hamidova Olimpiada va jahon chempioni, turkiyalik Busenaz Surmenliga imkoniyatni boy berib, kumush medalь bilan taqdirlandi. Shunday bo‘lsa ham, u kattalar o‘rtasidagi dunyo birinchiliklarining finalida ringga ko‘tarilgan birinchi o‘zbekistonlik bokschi qizga aylandi. ☑️ Musobaqada shohsupaga ko‘tarilgan hamyurtlarimizni eslab o‘tamiz: 🥈Kumush medalь: -66 kg: Navbahor Hamidova 🥉Bronza medalь: -48 kg: Farzona Fozilova -50 kg: Sabina Boboqulova -52 kg: Feruza Kazakova