Farg‘ona tuman ixtisoslashtirilgan maktabida “Dolzarb 90 kun” tadbiri doirasida o‘quvchilarning bo‘sh vaqtlarini mazmunli o‘tkazish maqsadida qiziqarli va foydali to‘garaklar faoliyat yuritmoqda. Xususan, matematika fani o‘qituvchilari tomonidan tashkil etilgan to‘garaklar o‘quvchilar tomonidan katta qiziqish bilan qarshi olinmoqda. Mashg‘ulotlar zamonaviy metodlar asosida o‘tilib, o‘quvchilarning mantiqiy fikrlash, muammoli vaziyatlarni tahlil qilish hamda intellektual salohiyatini oshirishga xizmat qilmoqda. Ushbu to‘garaklar orqali yoshlarimiz nafaqat bilim va ko‘nikmalarini rivojlantirishmoqda, balki o‘zlarining ijodiy qobiliyatlari va mustaqil fikrlash ko‘nikmalarini ham mustahkamlashmoqda.