«Bor mehrimiz shu Vatan, shu xalq uchun!» shiori ostida o‘tkazilayotgan Sog‘lomlashtirish oyligi doirasida Farg‘ona tumanida navbatdagi amaliy tadbirlar tashkil etildi. Tadbir davomida mahallalardagi ijtimoiy himoyaga muhtoj va nogironligi bor fuqarolar uchun maxsus tibbiy ko‘riklar o‘tkazildi. Shifokorlar jamoasi xonadonma-xonadon yurib, bemorlarning salomatlik holatini o‘rgandi, kerakli maslahat va ko‘rsatmalar berdi. Ayrim bemorlarga zarur tibbiy muassasalarga yo‘llanmalar topshirildi va bepul dori-darmonlar tarqatildi. Fuqarolar shifokorlarning uylariga tashrifi va ko‘rsatilgan tibbiy yordamdan cheksiz minnatdorlik bildirdilar. Ularning so‘zlariga ko‘ra, bu kabi e‘tibor va g‘amxo‘rliklar yurtimizda inson qadri va sog‘lig‘iga berilayotgan yuksak e‘tiborning amaliy ifodasidir.